MALINYI- HOJA SI BUNGE JAMANI, AGENDA IWE NI MAENDELEO.........

jumapili, 22 juni 2008 Pekua Tovuti

Gazeti la Jana Matangazo Bei zetu Wasiliana nasi Tuma habari

Ulanga wadai wilaya kwa Pinda na Hellen Ngoromera WANANCHI wa Jimbo la Ulanga Magharibi, wamemwandikia barua Waziri Mkuu, Mizengo Pinda, wakimwomba kuharakisha kuwapatia majibu ya ombi lao la kuanzishiwa wilaya mpya waliyopendekeza iitwe Malinyi. Barua hiyo yenye kumbukumbu namba mdc/06-08/wilaya/1 ya Juni 18, mwaka huu iliwasilishwa na kamati ya kusimamia suala hilo iliyo chini ya uenyekiti wa Mwenyekiti Norbert Nongwa. Katika barua yao, walimwomba Waziri Mkuu Pinda kuwahoji Mkuu wa Mkoa wa Morogoro, Saidi Kalembo na Mkuu wa Wilaya ya Ulanga, Dk. Ramadhani Lutengwe na watendaji wengine waliodai wanazembea kutekeleza baadhi ya maamuzi ya msingi yakiwemo ya kupandisha hadhi ya eneo hilo kuwa wilaya. “Maamuzi hayo ni pamoja na kuanzishwa kwa tarafa za Malinyi, Ruaha na Mwaya na kupandisha hadhi vitongoji vya Lupunga na Madabadaba kuwa vijiji vipya,” inasomeka sehemu ya taarifa hiyo iliyosainiwa na Nongwa. Kwa mujibu wa Nongwa, kabla ya kuwasilisha barua hiyo kwa Waziri Mkuu, Juni 8 mwaka huu, umoja wa wananchi wa Ulanga Magharibi, ulifanya kikao cha miwsho katika Ukumbi wa TCC Chang’ombe kilichojadili suala hilo na kuafikiana kuwa na wilaya mpya ya Malinyi. Akizungumza na waandishi wa habari jijini Dar es Salaam jana, Nongwa alisema wanataka Malinyi iwe wilaya mpya kwa sababu inakidhi vigezo vya kuwa wilaya na imepiga hatua kubwa kimaendeleo. Nongwa alisema vigezo vinavyohitajika ili eneo kuwa wilaya ni pamoja na eneo lenye ukubwa wa kilometa 17,000, wakazi zaidi ya 250,000, rasilimali nyingi ukiwemo uwanja wa ndege, hospitali kubwa ya Lugala ambayo kutokana na ukubwa wa miundombinu yake inaaminika kushika nafasi ya tatu kwa ubora wa ukubwa Mkoa wa Morogoro ikitanguliwa na Hospitali ya St. Francis iliyopo Ifakara na Hospitali kubwa ya Mkoa wa Morogoro, hivyo wana haki ya kudai kuwa wilaya. “Kuna kila sababu ya Ulanga Magharibi kuwa na wilaya kwa sababu vigezo tunavyo, Ulanga Magharibi kuna shule za sekondari zaidi ya 15, Uwanja wa Ndege, kwa upande wa maliasili na utalii tangu mwaka 2005-08 jimbo hili limeweza kuanzisha hifadhi ya vitalu vya uwindaji. Ni eneo lenye chokaa na Mto Kilombero pia,” alisema Nongwa. Alisema kwa sasa wananchi wa jimbo hilo hupata tabu kupata huduma mbalimbali zikiwemo za kibenki na nyingine kutokana na kusafiri umbali mrefu. Alisema huwalazimu kwenda Mahenge au Ifakara ili kupata huduma hizo.

NDUGU MIRADJI MWILENGA NDIYE M/KITI WA MALINYI DAR ES SALAAM -SACCOSS

MALINYI DAR ES SALAAM SACCOSS JANA J'PILI TAREHE 30.08.2009 KATIKA UKUMBI WA HOTEL YA MAMALAND HOTEL WAMEMCHAGUA KWA KAULI MMOJA NDUGU MIRADJI MYANJAMU MWILENGA KUWA M/KITI WA KWANZA WA TAASISI HIYO YA KUWEKA NA KUKOPA.
WALIOCHAGULIWA NI PAMOJA NA NDUGU SIMON NGANYWILA KWA NAFASI YA MAKAMU M/KITI NA NA MWAKILISHI WA NDANI AMECHAGULIWA NDUGU SAID MPOMBO.

UCHAGUZI ULIANZA KWA KUCHAGUA WAJUMBE WA BODI NAFASI SITA (WALIOCHAGULIWA NI MIRADJI MWILENGA, WENCE MYANJAMO,SIMON NGANYWILA,LOTLINDA MLENGE,SAID MPOMBO NA MADAM KAFIGA), KAMATI YA USIMAMIZI (WALICHAGULIWA NI TOMMY NJIGE, HERMAN NYANGI NA YUSTUS MAKELO) NA MWAKILISHI WA WANACHAMA NI NDUGU ALOYCE MWILENGA.

UCHAGUZI HUO ULISIMAMIWA NA AFISA USHIRIKA MKUU WILAYA YA KINONDONI NDUGU. RAMADHAN BUKUKU.

AKIKABIDHI HATI YA RASMI YA USAJIRI WA MALINYI -DAR ES SALAAM SACCOS , NDUGU BUKUKU ALIWAHIMIZA WANA MALINYI WOTE WAISHIO JIJINI DAR ES SALAAM KUJIUNGA KWA WINGI NA TAASISI HIYO NA KUJENGA UTAMADUNI WA KUJIWEKEA AKIBA NA KUJENGA WIGO MPANA WA KUJIKWAMUA NA UMASKINI.

AMEWATAKA WANA SACCOSS HAO KUJIAMINI NA PIA KUIGA MFANO MZURI ULIOONYESHWA NA MALINYI SACCOSS YA MKOANI MOROGORO KWA JINSI INAVYOJIENDESHA KWA FAIDA YA WANACHAMA WAKE PASIPO MIGOGORO.

NAYE MWENYEKITI WA SACCOSS NDG.MWILENGA AKITOA NENO LA SHURAN KWA WANA MALINYI-DAR ES SALAAM SACCOSS KWA KUMCHAGUA, ALIOMBA USHIRIKIANO WA DHATI TOKA WANA SACCOSS NA CHAMA MAMA MALINYI DEVELOPMENT CONCERN KTK KUFANIKISHA MALENGO YA SACCOSS.

MKUTANO WA UCHAGUZI ULIHITIMISHWA NA MWENYEKITI MAJIRA YA SAA KUMI NA MBILI KAMILI JIONI.

OFISI ZA MALINYI DAR ES SALAAM SACCOS ZIPO BARABARA YA MANDELA KATIKATI YA RIVERSIDE NA MABIBO HOSTEL KTK KITUO CHA DALADALA CHA BAKWATA, UPANDE WA KUSHOTO KUELEKEA UBUNGO.

Habari na Mh. Balozi wa Amani.